ပူပူနွေးနွေး ဇနီးတို့ရေ မင်္ဂလာဦးညဟာ အမှတ်တရ အဖြစ်ဆုံးညလေး တစ်ညဖြစ်တာကြောင့် ကိုယ့်ခင်ပွန်းရဲ့ အမြင်အာရုံကို ဖမ်းစားဖို့ လိုတယ်မလား၊ ဒီတော့ ညအိပ်အကျႌ လှလှလေး ရွေးချယ်ပြီး ဝတ်ပါ။ အသားအရောင်နဲ့ လိုက်ဖက်ပြီး ဆွဲဆောင်မှုရှိတဲ့ ပုံစံမျိုး ရှာဝယ်ဖို့ မမေ့ပါနဲ့နော်။
ဝိုင်တခွက်
မင်္ဂလာဦးညလေးကို ဖြတ်သန်းဖို့ ဝိုင်တခွက်လောက်တော့ ကြိုတင်ပြင်ဆင်ထားပါ။ ဝိုင်တခွက်လောက်နဲ့ရဲဆေးတင်တယ်ဆိုလည်း မမှားဘူးလေနော်။ ရီဝေဝေလေး ဖြစ်ဖို့တော့ လိုတာမို့ ဝိုင်လေးနဲ့ အသီးအနှံလေးတွေ ဝယ်ပြီး ပြင်ဆင်ထားမယ်ဆိုရင် Romantic မင်္ဂလာဦးညလေးကို ပိုင်ဆိုင်ရမှာပါ။
ပတ်ဝန်းကျင်
မင်္ဂလာဦးညလေးဆို လင်မယားနှစ်ယောက် တိတ်တိတ်ဆိတ်ဆိတ် ဖြတ်သန်းဖို့ လိုပါတယ်။ ပတ်ဝန်းကျင်မှာ စကားဆူညံတာတွေ ဒါမှမဟုတ် သီချင်းသံတွေ ဆူညံတာတွေ မရှိစေဖို့ ကြိုတင်ပြင်ဆင်ထားရပါမယ်။ ဖုန်းအသံတွေကြောင့် အနှောင့်အယှက် မဖြစ်အောင် ဖုန်းပိတ်ထားပါ။
ကြင်နာယုယဖို့ မမေ့ပါနဲ့
အခန်းအလင်း
အခန်းအလင်းအမှောင်တွေကလည်း မင်္ဂလာဦးညအတွက် လိုအပ်တဲ့ အရာပါပဲနော်။ မှောင်တာမျိုး မဟုတ်ဘဲ အရမ်းကြီး လင်းတာမျိုး မဖြစ်စေဘဲ Romantic ဆန်တဲ့ မင်္ဂလာဦးညလေး ဖြစ်အောင် ဖန်တီးရမှာပါ။ မီးချောင်းတွေ မထွန်းထားဘဲ ညအိပ်တဲ့အခါမှာ ထွန်းတဲ့ မီးလုံးလေးတွေသာ ထွန်းထားပါ။
စိတ်ပိုင်းဆိုင်ရာ
နှစ်ယောက်စလုံး စိတ်ကို ပျော်ပျော်ရွှင်ရွှင် ပေါ့ပေါ့ပါးပါး ထားပါ။ ဒါမှ မင်္ဂလာဦးညကို အဆင်ပြေပြေ ဖြတ်သန်းနိုင်မှာပါ။ ရှက်စိတ်တွေ လျှော့ထားပါ။ ချစ်ခင်ကြင်နာ ယုယပေးဖို့ လုံးဝ မမေ့ပါနဲ့။
